انقرہ،19جولائی(ایس او نیوز؍آئی این ایس انڈیا)جرمن چانسلر انگیلا میرکل نے ترکی میں انسانی حقوق کے جرمن کارکن کی گرفتاری پر احتجاج کیا ہے۔ میرکل نے ایک بیان میں کہا کہ برلن حکومت پیٹر اشٹوئڈنر اور دیگر گرفتار شدگان کے ساتھ ہے۔ انہوں نے اس موقع پر اشٹوئڈنر کی فوری رہائی کامطالبہ بھی کیا۔ استنبول میں ایک جج نے منگل کے روز انسانی حقوق کیچھ کارکنوں کی حراست کی مدت میں توسیع کا حکم یا تھا۔ ایک دہشت گرد تنظیم سے تعلق رکھنے کے الزام میں اسی ماہ کل دس افراد کو گرفتار کیا گیا تھا، تاہم ان میں سے چار کو گزشتہ روز رہا کر دیا گیا تھا۔